BNKP Tangerang – Web

Archive for Desember 2011

Dalam Versi bahasa Nias..

Li Ni’oroi’ŏ BPHMS BNKP ba wanŏrŏ tŏdŏ
Fa’atumbu Yesu ba ndrŏfi 2011
Ba ba wamaondragö Döfi sibohou ba ndröfi 2012

Tema :

  • Ba no ufataro ami,ena’ǒ mǒi ami mowua,ba ena’ǒ lǒ tebulǒ mbuami   (Yohanes 15 : 16b)
  • Dan Aku telah menetapkan kamu, supaya kamu pergi dan menghasilkan buah dan buahmu itu tetap (Yohanes 15 : 16b).

Ya’ami Banua Niha Keriso ba awŏma ira enoni Lowalangi ba zi sagŏrŏ BNKP, niomasiö ba khö Zo’aya yaita Yesu Keriso.

Ta’andrŏ saohagŏlŏ khŏ Lowalangi si no manolo yaita irugi iada’a. Mendrua manŏ no so ita ba ginŏtŏ wa’owuawua dŏdŏ yaia da’ŏ ba wanŏrŏ tŏdŏ fa’atumbu Zo’aya yaita Yesu Keriso. Sifao fangandrŏ saohagŏlŏ tafaondragŏ ginŏtŏ si sŏkhi andre, me no mŏi Yesu ba gulidanŏ ba wolohe fangorifi, fangatulŏ ba niha fefu. Da’ŏ zangabŏlŏ’ŏ yaita ba wangofanŏi fa’aurida, ba wariawŏsa ba niha fefu, ba wamalua halŏwŏ fangomasi’ŏ, ba ba wangebua’ŏ tŏi Lowalangi.

Si tobali Tuho wanǒrǒ tǒdǒ fa’atumbu Yesu ba ndrǒfi 2011 andre si no ifa’anǒ BPHMS BNKP yaia da’ǒ : Ba no ufataro ami,ena’ǒ mǒi ami mowua,ba ena’ǒ lǒ tebulǒ mbuami (Yohanes 15 : 16b). Tuho Natal andre ba ifasugi ba dǒdǒda hadia no tafowua wamatida ba khǒ Yesu Keriso ba zi dǒfi fa’ara. Famowua famati ba khō Yesu Keriso ba tenga halōwō saoha da’ō. Sinanō ba danō manō ba awena sōkhi mbuania na tahaogō wondrorogō,ta haogō wa me daludalu fangatabō (pupuk),ba tenga ha sakali dua kali tafalua da’ō,eroma’ōkhō tahaogō mbōrōnia ena’ō sōkhi mbuania. Itaria so wa’atage ba fa’erege dōdō ba wombaloi bua si sōkhi. Mendrua manō na gōna hama zinanō,na bawa deu ma na bawa lokhō,ba tola manō tekiko zinanōda no mege.

Ba ndrōfi 2011 andre oya manō zi no alua ba gulidanō andre sahōlihōli dōdōda ba sata’u ita. Alua wasuwōta ba gotalua soi ba mado (perang antar suku),fa atoru gōfa sihombo,mamoka hili,fa’aruru hili,fa’afatō zoroso Kutai Kartanegara (Kalimantan Timur),Judi Toto gelap (Togel),peredaran video porno antar HP,fa’atedou zofōkhō HIV/Aids si lō daludalu irugi ia’da’a,kesurupan ba ndraono sekola (dirasuk setan), amuata ndraono sibohou ebua si lō enahōi, perselingkuhan ba wongambatō, hasil bumi yang masih belum menggembirakan,ba oya na danō bo’ō. Fefu zagalua andre ba hulō ibe’e ita ba wa’abu dōdō,ba tola manō awuwu ita ba wamati. Itaria ta mane hewisa ena’ō lō tebulō mbuagu khō Yesu Keriso ba no gōi ifasui ndrao turia si lō sōkhi. Hadia nifaluada ba zimanō ?

Ba wanōrō tōdō fa’atumbu Yesu Keriso ba ndrōfi andre ba moguna sibai ta’angerōnusi daromali Lowalangi sitobali danedane “Tema Natal” andre yaia da’ō :

1. Ba no ufataro ami,ena’ō mōi ami mowua,eluahania : fe’asoda ba gulidanō ba no nifatōrō Lowalangi tenga bōrō ita samōsa. No ihōnagō zoguna khōda,ba yaita sa’ae zo halōwōgōi (mengelola). Ba tenga asala so manō ita ba gulidanō andre,so gohitō dōdō Lowalangi yaia da’ō ena’ō mōi ami mowua. He no ifasui ngawangawalō zi tobali ameta’uō,ba turia sata’u ita, ba lō tebulō waomasi Lowalangi khōda,da’ō wa ifatenge nononia si ha samōsa Yesu Keriso ba wangorifi yaita,ba wangabōlō’ō yaita ba gulidanō andre. So Yesu ba wa’abu dōdōda,ba so Ia ba wa’omuso dōdōda,so Ia ba mbawa deu,ba so Ia ba mbawa lōkhō. Andrō bōi atage ma awuwu ita ba wamowua wamatida khōNia,ta dou’ō halōwō faomasi, fanuriagō, fahasambua, fangenanō ba famoni ba wa’auri zisamōsa ba fongambatō, mangelama ba ngawalō zondrōnisi dōdō ba zi lō sōkhi,bōi atōngō ita ba wangandrō,ba wo mbaso taromali Lowalangi, ba wo ndrōnisi keluargada ba we’amōi ba nomo Lowalangi, ta dōnia’ō ndraonoda ba halōwō si sōkhi,ba ta fa tenge ira gōi ba zekola. Ba oya na sa mbua si sōkhi si otarai Lowalangi sinangea tafowua gasagasa fe’asoda ba gulidanō,simane fehededa si sōkhi ba fariawōsada si sōkhi ba nawōda,ena’ō omuso dōdō zi tefasui yaita ba ngawalō nifaemada.

2. Ba ena’ō lō tebulō mbuami ,eluahania : na khō Yesu Keriso modanedane wamatida ba iwa’ō ena’ō lō tebulō mbuami. Lō irai I’owua tōla gae gōna. Tōla gae da’ō ni’owuania gae,lō irai fabō’ō,I’otarai mbōrōta irugi adudu gulidanō andre. Simanō gōi ita ba wamowua wamatida khō Yesu,tebai tebulō irugi so ia dania ba zimendrua. Imane taromali Lowalangi ba zura 1 Yohane 2:17 : ba si taya nōsi gulidanō,awō waomasinia andrō,ba solo’ō somasi Lowalangi ba lō tebulō irugi zi lō aetu.

Simanŏ li ni’oroi’ŏ BPHMS BNKP ba ndrŏfi 2011 andre, yamufahowu’ŏ ita Lowalangi si so ba Zorugo. Ma owai ami fefu “Ya’ahowu wanŏrŏ tŏdŏ fa’atumbu Zoaya yaita Yesu Keriso 25 Desember 2011, ba ya’ahowu Ndrŏfi Sibohou 1 Januari 2012. Yaitolo ita Lowalangi ba wa’ebua dŏdŏNia andrŏ, ba ya tobali ita howu-howu ba zi tefasui ya’ita.

Gunungsitoli, 09 Desember 2011

BADAN PEKERJA HARIAN MAJELIS SINODE BNKP

Pdt. K. Hia, M.Th        Pdt. Ys. Harefa, S.Th                Pdt. B. Zega, M.Th
Ephorus                         Sekretaris Umum                   Bendahara Umum

Diberitahukan kepada seluruh Jemaat BNKP Tangerang Resort 45 untuk mengikuti kebaktian akhir tahun pada hari Sabtu, 31 Desember 2011 bertempat di gedung gereja BNKP Jemaat Tangerang. Ibadah dimulai pukul 18.00 Win (tepat). Dan nikmatilah jamuan bersama dengan Allah melalui sakramen Perjamuan Kudus yang akan dilaksanakan pada kebaktian akhir tahun ini.

Semoga damai Kristus selalu menyertai kita.
Selamat Menyongsong Tahun Baru 2012.
Syalomm..
Tuhan Yesus Memberkati.

Tag:


    • solusi2013: ibadah raya minggu biasanya mulai jam berapa? saya ingin datang by zega
    • Yusniar laia: untuk saudara yg mengenal ESTER APRIL YANI LAIA anak dr Tani'aro laia(Alm) dan sitina nduru tolong melakukan konfirmasi kepada keluarga kandung ester
    • Vikar Yunison Hulu, S.Th: Salom bapak/i, sdr/i di BNKP Tangerang, Saya Vikar Yunison Hulu, vikar ke-2 BNKP, sekarang saya melayani di Resort 54 BNKP, Batam yang dibimbing ol

    Kategori

    %d blogger menyukai ini: